القائمة الرئيسية

الصفحات

بيطلعوا رحلة في الغابة الملعونة ومابيرجعوش تاني | ملخص فيلم رعب


غابة ملعونة كل اللى بيدخلها بيتصاب بمرض خطير وحياته بتنتهى | ملخص فيلم Cabin Fever

بيبدا الفيلم فى غابة مهجورة وبنلاقى فيها شخص بيتفاجئ بالكلب بتاعه مشقوق نصين وغرقان دم. وفى المدينة بنلاقى مجموعة من الشباب خلصوا امتحاناتهم وراكبين عربيتهم وفى طريقهم للغابة عشان يقضوا وقت ممتع فى كوخ استأجروه فى وسط الغابة وعلى الطريق بيوصلوا لمتجر عشان يشتروا منه بعض الحاجات لرحلتهم . وبيطلع واحد منهم وبيقعد جنب شاب صغير اسمه دينيس لكنه بيتفاجئ انه متوحش وبيعضه فى ايدة. والشباب بيحذروا ابوة انه ممكن يتحاكم بسبب اللى بيعمله ابنه.

 
وبيتحركوا لمكان تانى عشان يشتروا باقى الحاجات اللى محتاجينها وهنا بيحذرهم العجوز صاحب المكان من الغابة وبينبهم انهم لازم يبقوا حذرين. وبيشتروا معاهم بندقية عشان يحموا نفسهم بيها. وهنا بنلاقى صاحبهم بيرت بيسرق لوح شيكولاته من المحل وصاحب المحل بيكتشف سرقته.

وبيكملوا طريقهم بالعربية عشان يوصلوا للغابة وهنا بيغلطوا فى الطريق وبيمشوا من طريق تانى غير الموجود فى الخريطة. وبيلاقوا بيت صغير فى الغابة وبيعتقدوا انه هو دة الكوخ اللى استأجروه وبيدخلوا البيت وبيبدأو يستمتعوا بوقتهم فى الغابة. بيرت بيتحرك فى الغابة وبيبدأ يصطاد بعد السناجب عشان يجهز العشا. وبيستخدم البندقية لكنه بيتفاجئ انه ضرب نار على راجل موجود فى الغابة. الراجل بيقوله انه مريض ومحتاج مشاعدة لكنه بيخاف منه وبيسيبه ويمشى.

وبالليل الشباب بيقعدوا ويحكوا عن المواقف الصعبة اللى مرت فى حياتهم وبيحكى صديقهم بول عن قصص مرعبة سمع عنها فى المكان اللى اتربى فيه ومن القصص دة قصة واحد مجنون كان بيربط الناس فى الكراسي وبيعذبهم ويخلص عليهم. وحكى ليهم قصة تانى عن واحد كان بيقطع رجلين الناس ويرميها فى ملعب البولينج.

وهنا بيظهر ليهم شخص غريب اسمه جوستين ومعاه كلب وبيفاجئهم وبيطلب انه ينضم ليهم فى المخيم وهما بيوافقوا. وبيبدا المطر ينزل عليهم وبيسيبهم جوستين عشان يجيب حاجته من الخيمة بتاعته وبعدين يرجعلهم. وبيدخل الشباب البيت وبيسهروا يحكوا لكنهم بيتفاجئوا بالشخص اللى ضربه بيرت فى الغابة واقف على الباب. وبيطلب منهم للمرة التانية انهم يساعدوه لانه محتاج دكتور. لكن بيرت بيمنعه ويقفل الباب عليه. بيبدا الشخص دة ياخد عربيتهم لكنهم بيهاجموه عشان يخرجوه من العربية. وبيرت بيضرب نار على العربية عشان يعطلها وميقدرش يمشى بيها الشخص دة. وبيخرج الشخص دة من العربية وبيبدا يهاجمهم لكنهم بيولعوا فيه النار وبيجرى من طريقهم.

- ملخص الفيلم بالكامل موجود فى الفيديو بالأعلى 


ابطال الفيلم هما : jordan ladd اللى بتقوم بدور كارين. و rider strong اللى بيقوم بدور بول 
و james debello اللى بيقوم بدور بيرت و cerina vincent اللى بتقوم بدرو مارسي 
الفيلم من انتاج 2002 وتم تصويرة فى الولايات المتحدة الامريكية

 
غابة ملعونة اللى بيدخلها بيتصاب بمرض خطير وحياته بتنتهى | ملخص فيلم Cabin Fever

هل اعجبك الموضوع :
author-img
موقع ويب شامل للفنون والموسيقي والتقنية والمعلومات التكنولوجية والبرامج وشروحات الربح من الأنترنت والاخبار العامة

تعليقات