القائمة الرئيسية

الصفحات

بات مان بيدفع التمن غالى بسبب اللى عمله ابوه فى مدينة جوثام | ملخص فيلم The Batman 2022

 
بات مان بيدفع التمن غالى بسبب اللى عمله ابوه فى مدينة جوثام | ملخص فيلم The Batman 2022

بات مان بيدفع التمن غالى بسبب اللى عمله ابوه فى مدينة جوثام | ملخص فيلم The Batman 2022

بيبدأ فيلمنا بظهور شخص مقنع اسمه ريدلر بيقوم بق  تل عمدة مدينة جوثام ، المدينة اللى بيعيش فيها باتمان . والمدينة اللى اتملت بالعصابات والمجرمين اللى سيطروا على مدينة جوثام وحولوها الى وكر عصابات. 

بيوصل بات مان لمكان الحادث اللى اتقتل فيه عمدة مدينة جوثام مع فريق التحقيق من الشرطة، وبيلاقى ان ريدلر المقنع بيسيب رسالة مشفرة لبات مان فيها لغز لو باتمان قدر يحله هيقوده للضحية التانية اللى ريدلر المقنع بيخطط لقت لها. باتمان بيوصل لألفريد فى المقر السرى بتاعه وبيبدأ يحل لغز الرسالة المشفرة بمساعدة الفريد ، وبالفعل بيقدر يحل اللغز الأول وبيلاقى فى الرسالة اول خيط يقودة للشفرة الموجودة فى الرسالة وهى عربية موجودة فى جراج عربيات قديم.

بيتحرك باتمان بسرعة وبيوصل للبطريق وبيواجههة بالصور اللى كانت موجودة على الفلاشة وبيطلب منه انه يعرف مين هى البنت اللى ظهرت فى الصور مع العمدة عشان تقودة لشخصية القاتل او المقنع ريدلر. وطبعا البطريق بينكر معرفته بالبنت دى وبيحاول يخدع باتمان. لكن بتظهر بنت تانية اسمها سيلينا شغالة عند البطريق ،، بات مان بيشك فيها وبيبدأ فى مراقبتها وبالفعل سيلينا بتكون على علاقة بالبنت اللى ظهرت فى الصور مع العمدة واللى اسمها انيكا. 

بات مان بيبدا فى ملاحقة سيلينا وبيبدا يواجهها بأنها تعرف انيكا البنت اللى ظهرت فى الصور مع العمدة ، لكن سيلينا بتدافع عنها وبتنفى اى علاقة ليها بقتل عمدة مدينة جوثام. فى الوقت دة بيبدا يظهر المقنع ريدلر مرة تانى فى رسالة بالفيديو مع ضحية جديدة من شخصيات الشرطة فى مدينة جوثام .

وبالفعل سيلينا بتبدا تتحرك فى الملهى الليلى وبيتعرف بات مان من خلال العدسة على شخصيات كتير من شخصيات المدينة والمتورطين فى عمليات الفساد زى النائب العام اللى اسمه " غيل " وشخصيات تانى من الشرطة ومكتب النائب العام موجودة فى المكان دة.

باتمان بيبدا فى مراقبة البطريق وبيكتشف انه بيملك معمل كبير لانتاج المخ درات المعروفة بالقطرات. بيتحرك باتمان عشان يهجم على البطريق لكنه بيقابل سيلينا هناك وبيلاقى انها بتحاول تسرق شنط الفلوس اللى هيدفعها المهربين تمن المخ درات اللى بيحصلوا عليها من البطريق. رجال البطريق بيكتشفوا وجود باتمان وسيلينا وبيبداو يهاجموهم، لكن سيلينا بتحاول تهرب وبتكتشف ان صديقتها انيكا مي ته فى جنب الفلوس الموجودة فى العربية. 

باتمان وجيم بيطاردوا البطريق وبيوجهو ليه اتهام ان هو الراجل الواشي المسئول عن عمليات الفساد فى مدينة جوثام، ودة حسب الرسالة اللى بعتها ليهم ريدلر المقنع لكنه بينكر وبيقولهم انه مش هو وبيكشف ليهم بالصدفة ان محتوى رسالة المقنع ريدلر يقصد بيها رابط على الانترنت ممكن يقودهم للواشي ، باتمان وجيم بيسيبوا البطريق وبيبداو يدخلوا على الرابط الموجود فى رسالة المقنع وبيبدا المقنع يتكلم معاهم من خلال الرابط دة. وبيقولهم ان تفاصيل الضحية الجاية هتلاقوها فى دار الايتام الموجود فى مدينة جوثام. 

بيتحرك جيم وباتمان لدرا الايتام وبالفعل بيلاقو تسجيل هناك لتوماس وين وهو ابو بروس وين اللى بيقوم بشخصية باتمان. وبيلاقوا فى التسجيل ان والد بروس وين كان متورط فى عمليات فساد فى مدينة جوثام وان الضحية الجاية للمقنع هتكون هى بروس وين نفسه. 

باتمان بيبدا يقرا الرسالة اللى بعتها ريدلر ليه على انه بروس وين وبيلاقى فيها ان ابوه متورط فى قتل صحفى كان بيهدد ابو بروس واين انه هيفضح الفساد بتاعه وبتاع اسرته. وان توماس واين ابو باتمان أمر بق تل الصحفى بمساعده فالكون الظابط الشرير. بيتحرك بروس وين بشخصيته الحقيقية بدون لبس باتمان وبيوصل عند فالكون وبيطلب منه انه يعرف الحقيقة. وفالكون بيقوله ان ابوه توماس واين هو اللى خطط لعملية قت ل الصحفى من خلاله وانه متورط فى الفساد فى المدينة.

باتمان بيتحرك لقسم الادلة الجنائية وبيلاقى اداة الجريمة اللى استخدمها ريدلر فى قتل عمدة المدينة. وبيعرف من احد الظباط ان الاداة دى بتستخدم فى تصنيع السجاد . بيتحرك بات مان وبيستخدم الأداة دى وبيرفع السجادة الموجودة فى مقر الادلة الجنائية وبالفعل بيلاقى كلمة السر الموجودة اللى هتفتح الفيديو اللى فيه تفاصيل مخطط هجوم ريدلر على المدينة ، وبيدخل كلمة السر وبيعرف ان ريدلر بيخطط لهجوم 7 عربيات مفخخة على السور اللى بيحجز مية البحر عن مدينة جوثام وعايز يغرق المدينة. 

بيوصل باتمان وبيهاجم اتباع ريدلر وبيبدا ينقذ الناس من خطر الكهرباء اللى ممكن توصل للمية وتسبب موت ناس كتير. بينجح باتمان فى انقاذ الناس وبتبدا عملية تطهير مدينة جوثام من الفساد تتم بعد المخطط اللى قام بيه ريدلر. بيقابل باتمان سيلينا اللى بتطلب منه انه يغادر مدينة جوثام معاها ويعيشوا فى مكان بعيد عن المدينة . لكنه بيقولها انه جزء من مدينة جوثام وانه حامى المدينه وده قدره ومش ممكن يسيبه ابدا.

- لو عجبك الفيلم ماتنساش تشترك معانا فى القناة وتضغط لايك على الفيديو وتفعل جرس التنبيه وماتنساش تسيب فى التعليقات اسم الفيلم اللى بتحبه عشان ننزله ليك.
- لمشاهدة ملخص الفيلم بالكامل شاهد الفيديو التالى :


هل اعجبك الموضوع :
author-img
موقع ويب شامل للفنون والموسيقي والتقنية والمعلومات التكنولوجية والبرامج وشروحات الربح من الأنترنت والاخبار العامة

تعليقات