ام بتحول نفسها زومبى عشان تنقذ ابنها من عصابة خطيرة فى الطيارة | ملخص فيلم Blood Red Sky

ام بتحول نفسها زومبى عشان تنقذ ابنها من عصابة خطيرة فى الطيارة | ملخص فيلم Blood Red Sky

بيبدا الفيلم بهبوط طيارة فى المطار وشرطة المطار بتحاصرها من كل الجهات لانهم بيعتقدوا ان الطيارة عليها متفجرات وبيبدا طفل صغير ينزل من كابينة الطيارة والجيش بيحاصرة عشان يتأكد من سلامته ، بعدين بيظهر شخص اسمه فريد فى كابينة الطيارة وقائد الجيش بيشك فيه انه ممكن يكون ارهابى وبيوجه ليه نداء انه مايتحركش والا هيتم ضربه بالنار. وبيطلب منهم فريد انه يخرج من الطيارة لانه مصاب لكنهم بيرفضوا.

وفى مستشفى المطار بنلاقى الطفل الصغير الياس اللى نزل من الطيارة وحواليه مساعدة من الجيش اسمها ناومى بتحاول تسألة عن اللى شافه فى الطيارة واية اللى حصل معاه. بيبدا الولد يرجع بالذاكرة لورا ويفتكر اللى حصل معاه ومن هنا بتبدأ قصة الفيلم.

بتظهر نادية وهى ام الطفل اللي نزل من الطيارة وبنلاحظ أن مالهاش شعر وبتستخدم باروكة شعر . بتتواصل نادية مع الطبيب المعالج بتاعها اللي بيقولها جهزى نفسك عشان تتلقي علاج إشعاعي يعالج مرضها من خلال جلسات في مستشفي في بلد تاني كان لازم تسافر ليها.