القائمة الرئيسية

الصفحات

نينجاوى محترف بيقضى على جيش كامل عشان ينتقم لمراته | ملخص فيلم Ninja Shadow of a tear

محارب نينجا محترف بيقضى على جيش كامل عشان يرجع حق زوجته | ملخص فيلم Ninja Shadow of a tear

بيبدا الفيلم فى مدرسة لتعليم اسلوب النينجا للدفاع عن النفس . كاسي ومراته ناميكو هما المسئولين عن تدريب المقاتلين فى مدرسة النينجا. من خلال المدرسة دى بيعلم كاسي تلاميذه فنون القتال وازاى يدافعو عن نفسهم مع ضرورة انهم يكسبوا معاركهم بشرف بدون خداع الخصم

 

كاسي كان بيحب ناميكو جدا وبيحب يجيبلها هدايا من وقت للتانى ، عشان كدة راحو محل مجوهرات عشان يشترى ليها عقد هى بتحبه. هو وبيشترى العقد لاحظ كاسي ان فى ناس بيراقبوه من بعيد ومش بس بيراقبوه لكن كمان بعد ما اشترى العقد لناميكو مشيوا وراه هو

 

كاسي كان خايف على ناميكو مراته فابتدى يحاول يهرب منهم ويختفى عنهم لكن قدروا انهم يوصلوا ليه وابتدى كاسي يواجههم. وعرف ان غرضهم كان انهم ياخدوا منه العقد الغالى اللى اشتراه لناميكو . ولان كاسي مقاتل محترف فى مدرسة النينجا ابتدى يتعامل معاهم بأساليب النينجا القتالية وقدر انه يهزمهم بسهولة

 

كاسي روح البيت وقدم لناميكو العقد وهى فرحت بيه جدا وقالتله مفاجأة انها حامل فى الشهر التالت . فرح كاسي جدا وبعدين نزل من بيته عشان يشترى شوية طلبات للبيت وهو فى المحل افتكر انه نسي الفلوس فى البيت. فرجع تانى عشان يجيب فلوسه. لكنه اتفاجئ ان مراته ناميكو اتقتلت ومرمية على الارض .

 

كاسي كان فى شدة الحزن على مراته ناميكو ، ومش بس عليها لكن كمان على ابنه اللى فى بطنها. وبعد مراسم الجنازة اللى اتعملت لناميكو . كاسي بيقابل صديقة ناكابارا اللى كان متربي مع مراته ناميكو من وهما لسا اطفال . كاسي بيعرف ناكابارا ان مراته ماتت بسبب ناس كانوا بيحاولوا يسرقوا البيت بتاعه والعقد اللى اشتراه لناميكو ودة حسب ما البوليس بلغ كاسي.

 

 كاسي قال لصاحبة انه مش هيسكت ومش هيسيب حق مراته ناميكو وانه مش مقتنع بموضوع السرقة دة اللى البوليس بلغه بيه. لكن صديقة ناكابارا قاله حاول تنسي الموضوع وماتفكرش فى الانتقام عشان ماتتعبش لان عمر الانتقام ما هيرجع اللى راح. وبعدين سلم عليه وقاله اتمنى اشوفك فى مدرسة الفنون القتالية بتاعتى اللى فى تايلاند قريب وودعه ومشى

- ملخص الفيلم بالكامل موجود فى الفيديو بالأعلى 


محارب نينجا محترف بيقضى على جيش كامل عشان يرجع حق زوجته | ملخص فيلم Ninja Shadow of a tear



هل اعجبك الموضوع :
author-img
موقع ويب شامل للفنون والموسيقي والتقنية والمعلومات التكنولوجية والبرامج وشروحات الربح من الأنترنت والاخبار العامة

تعليقات