القائمة الرئيسية

الصفحات

جيش من جثث بتصحى من الموت وبتنفذ تعليمات ساحر خطير عشان ينتقم من اللى قتلو بنته | ملخص فيلم The Cursed

جثث بتصحى من الموت وبتنفذ تعليمات ساحر خطير عشان ينتقم من اللى قتلو بنته | ملخص فيلم The Cursed

بيبدا الفيلم بظهور جثة بتصحى من الموت وبتخلص على راجل كورى وبتنفذ مهمة معينة بيأمرها بيها ساحر شرير محدش يعرفه. وبعد اما الجثة بتقوم بدورها وتقتل الضحية بتقف مكانها ووشها بيتحلل. بيبدأ بعدها فريق من البوليس الكورى يحقق فى قتل الضحية وبيكتشفوا ان الضحية ماتت بسبب كمية كبيرة من سم المحار اللى بيسبب الوفاة الفورية لأى شخص يتعرض ليه. وكمان بيكتشفوا ان القاتل هو جثة لشخص متوفى من 3 شهور فاتوا فبيستغربوا جدا.

 

فى الوقت دة بتظهر ليم جينهى وهو صحفية مشهورة بتؤمن بالسحر وتاثيرة على الناس وكمان بتألف كتب عن الموضوع دة ، وكانوا بيعملوا معاها لقاء صحفى بتتكلم فيه عن السحر ، وخلال اللقاء دة بيتفاجئ المحاور باتصال غريب من شخص مجهول بيطلب يتكلم للصحفية ليم. وبيفاجأهم على الهوا انه هو نفسه الجثة اللى قامت بعملية القتل امبارح. وبيطلب منها انها تقابله تانى يوم الساعة 2 الظهر وبعت ليها العنوان فى رسالة على تليفونها. وبيطلب منها انها تذيع المقابلة دى لأكتر عدد من الناس.

 

بتوصل ليم لمجموعة من المساعدين بتوعها فى الصحافة وبتبدا تتعرف على جيسى المصورة الجديدة اللى انضمت لفريق العمل بتاعها. وبعدين بتطلب ملف قضية القتل اللى حصلت امبارح. وبتعرف ان الضحية اسمه كيم وكان بيشتغل فى شركة ادوية اسمها سونجيل. وكمان بتعرف ان القاتل هو جثة لشخص متوفى من 3 شهور.

 

فى الوقت دة بيدخل عليهم جونج وهو محقق فى قسم الشرطة الكورية وهو بردو زوج ليم الصحفية، وبيبداو يتناقشوا فى قضية القتل اللى حصلت فى المدينة. بعدين بنلاقى مساعد ليم بيوريها فيديو لبنت غريبة بتمارس طقوس سحر غريبة وبتقدر ليم تتعرف عليها وبتعرف انها سوجين وهى اختها اللى سافرت لليابان من مدة عشان تتعالج.

 

بتظهر سوجين لأختها ليم الصحفية فى حلم وبتعرفها انها بتتعلم السحر ووبتقدر تسيطر على الارواح اللى حواليها. وعندها قدرة على التحكم فى الاشخاص من خلال السحر. وفى نفس الحلم بتتعرض ليم لهجوم من جثة متحركة بتحاول تقتلها لكن بتظهر اختها سوجين وتنقذها

- ملخص الفيلم بالكامل موجود فى الفيديو بالأعلى 


جثث بتصحى من الموت وبتنفذ تعليمات ساحر خطير عشان ينتقم من اللى قتلو بنته | ملخص فيلم The Cursed



هل اعجبك الموضوع :
author-img
موقع ويب شامل للفنون والموسيقي والتقنية والمعلومات التكنولوجية والبرامج وشروحات الربح من الأنترنت والاخبار العامة

تعليقات